التخطي إلى المحتوى الرئيسي

الاعتمادات المستندية وخطابات الضمان

- ما هو الاعتماد المستندي ؟ أولا: تعريف الاعتماد المستندي - الاعتماد المستندی هو تعهد مكتوب صادر من بنك ( يسمى المصدر) بناء على طلب المشتري ( مقدم الطلب أو الأمر) لصالح البائع( المستفيد .) ويلتزم البنك بموجبه بالوفاء في حدود مبلغ محد د خلال فترة معينة متى قدم البائع مستدات السلعة مطابقة لتعليمات شروط الاعتماد  وقد يكون التزام البنك بالوفاء نقدا أو بقبول كمبيالة . ثانيا: أهمية الاعتماد المستندي - ويستعمل الا عتماد المستندي في تمويل التجارة الخارجية، وهو يمثل في عصرنا الحاضر الإطار الذي يحظى بالقبول من جانب   سائر الأطراف الداخلين  في ميدان التجارة الدولية بما يحفظ مصلحة هؤلاء الاطراف جميعا من مصدرين ومستوردين  يشترك في الاعتماد المستندي أربعة أطراف هم : المشتري :هو الذي يطلب فتح الاعتماد، ويكون الاعتماد في شكل عقد بينه وبين البنك فاتح الاعتماد. ويشمل جميع  النقاط التي يطلبها المستورد من المصدّر . البنك فاتح الاعتماد :هو البنك الذي يقدم إليه المشتري طلب فتح الاعتماد، حيث يقوم بدراسة الطلب. وفي حالة الموافقة عليه وموافقة المشتري  على شروط البنك، يقوم بفتح الاعتماد ويرسله إما

أقسام البنوك من الداخل

أقسام البنك من الداخل :

أولا : قسم خدمة العملاء  Customer service :

و القسم ده اللي بيستقبل العميل اول ما بيدخل البنك و بيشوف طلباته و بينفذها له بمعني أنه لو عميل جديد و عايز يتعامل مع البنك في مجال معين بيقوم منفذله طلباته و يحاول يستدرجه للتعامل مع البنك في كل شغله يعني لو تاجر يفتحله حساب جاري و يحاول يجذب ودايعه اللي بره و يعمله كريدت كارد و كده و دي حاجه بيسموها  Cross Selling يعني تبيع لواحد حاجه من خلال حاجه تاني. و القسم ده عايز واحد منتبه جدا ويعرف يقرا الناس كويس لأنه بيتعامل مع مختلف انواع البشر و بيفهم عقليات مختلفة التعليم و الثقافة و في نفس الوقت يكون لبق وحسن المظهر.

و في بنوك بتعمل قسم جوه خدمة العملاء بيختص بالعملاء الفي آي بي VIP في الفروع اللي فيها عملا تقيله لأن العملا دول مش هيستنوا مع العملا العاديين و بيبقي في واحد رئيس لقسم خدمه العملاء كله اسمه هيد كستمر سيرفس    Head Customer servise

ثانيا : قسم الخزينة Treasury :

و ده القسم الأهم بالنسبه للعملاء اللي بيقضي المـصلحه الحقيقيـه اللـي همـا جـايين عـشانها و اللـي هيـا السحب او الايداع بمختلف صورهم و القسم ده بيتكون من تيلرات و هيد تيلـر  Head Tellers و رئـيس خزينـه والتيلرات دول المسؤلوين عن اداء الخدمات الماليه بالكامل في البنك من سحب او ايداع او تغيير عمله او تحويل أموال و اي شيء بيتعلق بالفلوس و الهيد تيلر ده اللي بيراقب عليهم أما رئيس الخزينه ده المسؤول عن الخزينه الرئيسيه اللي في البنك و هو اللي بيطلع العهده للصرافين و بيستلمها آخر النهار و بيبقي معاه واحد تـاني مسـؤول عـن الخزينــــه تطيبقــــا لمبــــدأ الرقابــــه الثنائيــــه و غالبــــا بيبقــــي الهيــــد تيلـــر او نائــــب المــــدير و القسم ده محتاج واحد مصحصح جدا عشان شغلانه الفلوس دي اصعب شغلانه و عايزه واحد منظم و دقيق و مركز جامد و بصراحه اللي يشتغلها بيستلذها جدا.

ثالثا : العمليات المصرفية Operations :

و ده بيبقي الشخص المسؤول عن ظبط حسابات الفرع كلها من حيث فلـوس داخلـه و فلـوس طالعـه و تنفيذ القيود الداخليه علي السيستم و تنفيذ عمليات المقاصة للشيكات و متابعه حركه الكمبيالات و تحصيلها مـع العملاء و ده بيكون الشغل الباك اوفيس Back Office و مش بيتعامـل مـع عمـلاء خـالص بيكـون زي اداري في البنك مش بيختلط بالجمهور و دول بيكونوا اتنين بالكتير  في الفروع.

رابعا :المدير و نائب المدير Manager Deputy & Manager :

نائب المدير بيبقي زي رئيس خدمة العملاء و الخزينة مع بعض و بيراقب حركة العملاء في الفرع بالكامل و بيتدخل في حاله وجود غلط او مشاكل و هو اللي بيبقي ليه اختلاط بالعملاء اكتـر مـن المـدير أمـا المـدير بقـي هـو اللـي مسؤول عن الفرع بالكامل من تحقيق تارجت لظبط السيوله لكل شيء متعلـق بـالفرع قـدام الاداره المركزيـه و بصراحه المنصب ده مبيمسكهوش غير واحد مخضرم .